आज घोषणा हुँदैछ नेपाल आइडल : बुद्ध, निशान र प्रताप कसको सम्भावना बलियो?

By | September 22, 2017

गएको वर्ष माघ १२ गते नेपालगन्ज अडिसनबाट सुरु भएको पहिलो फ्रेन्चाइज शो नेपाल आइडलको यात्रा आज कतारको सनायामा हुने ग्रान्ड फिनालेसँगै अन्त्य हुँदैछ। फाइनलमा पुगेका तीनै जना बुद्ध, निशान र प्रताप खाली हात फर्कने छैनन्, पुरस्कार पाउने छन्। तर दर्शकका भोटका आधारमा एक जनामात्र नेपाल आइडल घोषणा हुनेछ। यसका लागि एक हप्ताअघिदेखि नै भोटिङ खुला भइसकेको छ र आज नेपाली समय अनुसार साँझ ५ बजेसम्म भोटको समय तोकिएको छ। कसको सम्भावना बलियो छ त?

कार्यक्रमको अहिलेसम्मको भोटिङ प्याटर्न हेर्दा प्रताप सबैभन्दा बढी चार पटक डेन्जर जोनमा परेका थिए। निशान दुई पटक र र बुद्ध लामा एक पटक।

अदालतमा मुद्दा परेका कारण सार्वजनिक भएको मत संख्या अनुसार प्रताप दासले नेपालभित्रबाट सबैभन्दा बढी भोट पाएका थिए। उनलाई विदेशबाट भोट भने कम आएको थियो। विदेशबाट सबभन्दा बढी भोट भने बुद्ध लामाले पाएका थिए। विदेश र स्वदेश दुवैमा कम भोट पाउने भने निशान थिए।

यस पटक एक हप्तासँग भोटिङ खुलाइएको र अन्तर्राष्ट्रिय भोटिङमा पनि एक आइडी बराबर ५० भोट गर्न पाइने (पहिले १० मात्र) भएकोले भोट संख्या बढ्नु स्वभाविक हो। एकै जनाले धेरै आइडी बनाउने र प्रोक्सी राखेर नेपालबाटै अनलाइन भोटिङ गर्नेहरुको संख्या पनि बढेकोले यसै भन्न सकिने स्थिति छैन।

यदि पुरानै प्याटर्न कायम भयो भने बुद्धले सबैभन्दा बढी भोट पाउने देखिन्छ। यो सम्भावना देखेका कारण अरुका फ्यानहरु धेरै सक्रिय हुँदा अरुको भोट बढ्ने सम्भावना पनि हुन सक्छ। उदाहरणका लागि प्रताप दास जब जब डेन्जर जोनमा पर्थे, अर्को साता उनी सेफ हुन्थे। बुद्धलाई देश र विदेशबाट राम्रो साथ भएकोले उनको भोट संख्यामा पक्कै प्रभाव पर्नेछ। निशानका पनि फ्यानहरु प्रशस्त छन्। उनीहरु सक्रिय भए भने उनको संख्या पनि बढ्न सक्छ। पछिल्लो भोटिङमा नेपालभित्रबाट सबैभन्दा बढी भोट ल्याएका कारण प्रतापलाई पनि कम आँक्न मिल्दैन। जो आइडल भए पनि विवाद भने हुने नै छ।

फ्रेन्चाइज शो भएको कारण भोट गणना राम्रोसँग हुन्छ भन्नेहरुले एक पटक दक्षिण अफ्रिकाको आइडलको इतिहास हेर्दा पनि हुन्छ।

दक्षिण अफ्रिकामा आइडलको सिजन ‘भी’ फिनाले केपटाउनकी साशा ली डेभिड्स र जेसोन हार्टम्यानबीच भएको थियो। साशालाई विजेता घोषणा गरेपछि हार्टम्यानमा ३ हजार फ्यानले होहल्ला मच्चाए। त्यहाँको पत्रिका द टाइम्सले अनुसन्धान गर्‍यो र विजेता घोषणा भएको चार दिनपछि ८ मे २००९ मा पहिलो पेजमा यो स्क्यान्डल छापियो।

त्यो समाचार छापिएकै दिन स्थानीय आयोजक एमनेट (यहाँको एपीवान जस्तै) ले सार्वजनिक विज्ञप्ति निकाल्दै खासमा विजेता जेसन हर्टम्यान भएको घोषणा गर्‍यो। खासमा अलेक्ज्यान्डर फोर्बर्सले भोट गणना गर्दा दुई लाख भोट गन्न बिर्सेका रहेछन् जुन भोट हर्टम्यानको पक्षमा आएको थियो।

अब के गर्ने?

त्यसपछि मूल लाइसेन्स होल्डर फ्रिम्यान्टल मिडिया र एमनेटले दुवैलाई विजेता घोषणा गरिदियो। पुरस्कार दुवैले बाँडे। विश्वमा एउटै आइडल शोका दुई विजेताको कीर्तिमान उनीहरुले राखे।

यहाँ पनि विवाद कम भएको छैन। अदालतमा मुद्दा पनि पर्‍यो नो इलिमिनेसन घोषणा हुँदा। तर पछि मुद्दा खारेज भयो। भलै मुद्दा नियोजित नौटंकी हुनसक्ने गाइँगुँइ पनि नसुनिएको हैन।

पछिल्लो पटक नेपाल आइडल नामको शो २०७० सालमै आयोजना भइसकेको र विक्रम राई पहिलो नेपाल आइडल घोषणा भइसकेको भन्ने विवाद भयो। हिजोको कार्यक्रममा एउटा मोटरसाइकल पुरस्कार दिएर एपिवान टिभीले यसलाई पनि सल्टायो। विक्रम राई र एपिवान बीच यस्तो सहमति पनि भएको थियो-